Köln: „De Synergie vun Kläävbotz un Schruppsüffer“ endet im Virus

Köln – Wä kennt et nit: Mer hät Besök, et woodt jod jejesse, et woodt och jod jedrunke, dä Nohdesch es avjerümp, Mokka un Schabäuche sin och at em Balg, mer es die Köch am oprüme – nor dä Besök setz immer noch am Desch un säht jlöcksillig: „Nor höör doch ens op zo arbeide! Setz dich doch noch jet zo uns un drink noch eine met!“

Wörterbuch

Balg – BauchPloch – PlageKläävbotz – Gast, der nicht heim geht (klebende Hose)Lappekess – Lappenkiste, BettSchruppsüffer – jemand, der auf anderer Kosten trinktÄhnz – Ernstmiechdendeils – meistensÄäpche – ÄffchenFrese – ungezogenes KindHingersch – Hinternaläd – gesund, munter

Dat es dä Momang, en däm dä kölsche Jassjevver merk: „Ich han e Problem. Nä: Ich han e Riesenproblem. Ich han en Kläävbotz em Hus.“

Do hilf kei' Jähne, kei' Jappe, do kann mer die Stöhl ald en de Hüh stelle un op die Uhr loore oder me'm Bessem durch die Bud jöcke – die Kläävbotz kritt mer esu nit fott.

Do hilf nor eins: En de Lappekess jon un hoffe, dat die Ploch zom Fröhstöck nit immer noch do setz.

Et jrößte Wunder es, wann et am Schloß an et Bezahle jeiht

Andere Situation: Mer steiht jemödlich met enem Knubbel Minsche an der Schwämm (jläuvt mer: Dat kütt widder!) un ein Rund jitt die nääkste. Jeder es eimol dran. Nor einer es immer jenau dann a.) op däm Avtredd, b.) drusse ein rauche oder c.) anderweitig verhindert.

Corona in Köln

171 Neuinfektionen mit Covid-19 – ein weiterer Todesfall

Walter Oepen „op Kölsch“

„Et Hännesche hät wäje dem Fladermuus-Virus noch länger frei“

Arno Steffen „op kölsch“

Wenn Nazis kölsche Songs spielen, „mösse mir uns wehre“

Wie durch e Wunder es hä ävver pünklich immer widder dann do, wann jrad en Rund anjekumme es. Et jrößte Wunder es ävver, wann et am Schloß an et Bezahle jeiht. Dann kann hä sich sujar komplett unsichtbar maache.

Dann hät mer en der Räjel en Virusinfektio

Wann jitz ävver Kläävbotz un Schruppsüffer verschmelze dun oder, wie mer su schön säht Synergieeffekte nutzen, dann weed et Ähnz: Dann hät mer en der Räjel en Virusinfektion.

Zur Person

Michael Hehn ist im Karneval als „Nubbel“ unterwegs, um in der Bütt auf Kölsch über aktuelle Entwicklungen zu spotten. Im bürgerlichen Leben ist er Musiklehrer an Kölns ältestem Gymnasium, dem Dreikönigsgymnasium. Der Büttenredner ist einer der Autoren, die wöchentlich Texte für die kölsche Kolumne „Loss jonn“ im Kölner Stadt-Anzeiger schreiben . (fra)

Bei enem Virus es dat nömlich esu: Dat kütt, miechdendeils ohne Enladung, un satz sich an dä Desch vum Weed. Jitz es et bei ener virale Kläävbotz esu, dat die nit nor am nääkste Morje noch am Desch setz, sondern ein, zwei Woche bliev, en denne mer selvs em Bett ligg. Do kann mer et Ääpche krijje.

Am leevste dät mer däm Frese en der Hingersch tredde, ävver dat es nit esu einfach. E Virus es nömlich ne einzige Hingersch, en kugelrund Fott met üvverall Rezeptore, die, subahl se ene freie Stohl jefunge han, Rubbedikatz: Setze. Un nit mih jon.

Un dozo bedeene se sich, ohne och nor eine Cent doför zo latze, bei uns am Buffet, als wör et em all-inclusive-Urlaub (Jläuvt mer: Och dat kütt widder).

Sulang et ävver kei' Impfung jitt, helf nor avschleeße

Do helfe nor zwei Saache: Entweder mer schleeß die Dör av oder mer liet sich impfe.En Impfung es nömlich quasi: Op jedem Stohl steiht e Scheldche „besatz“ un an der Schwämm hängk e Scheld „Kölsch es us“.

Sulang et ävver kei' Impfung jitt, helf nor avschleeße, weil söns weed us esu enem Virus jet vill Schlimmeres: En Kläävbotzeschruppsüfferföttchesföhlernümaatskradsackjeseech.