1. Annette Schmelter-Lamsfuß schreibt kölsche Lieder und Texte. Die ehemalige Lehrerin ist als Sängerin und Musikerin der Band „Möschtijall“ unterwegs.
2. Sie ist eine von sieben Autoren, die wöchentlich im „Kölner Stadt-Anzeiger“ in einer kölschen Kolumne aktuelle Entwicklungen aufs Korn nehmen.
3. In dieser Folge schreibt sie über einem Mann mit „Heil-Hitler“-Tattoo. Soll man wegschauen? Oder muss man nicht doch reagieren?

Köln – Dis Dach fohr ich met mingem Rädche vum Enkaufe noh Hus. Do feel mer op dem Trottewar ene junge Poosch op: Dem wore de Maue su richtig us dem T-Shirt am quelle, do drüvver ene kahlraseete Kopp met winnich Hoor,dat ussoch wie e Lämmerstätzje, do drunger en stiev Camouflagebotz - dä janze Käl schön bronzebrung un kraffbetont em Eierschwingjang.Op dem Stiernacke hatt hä schwatz un jroß zwei verkrünkelte Zeiche entättoweet, die wall en Aachunaachzich sin sollte.

Aachunaachzich? Komisch. Bei uns zo Hus sage mer immer: „Ejal es aachunaachzich“ – ävver dat wor he bestemp nit jemeint: Noh „ejal“ soch dä Käl do nit us.

Weil keiner, dä ich jefroch hatt, richtig Bescheid woss, hatt ich die 88 dann jejoojelt. Un do kom et tireck: Der aachte Boch-stav em Alphabet es et „H“. 8-8 meint alsu H-H, dat soll „Heil Hitler“ heische. Un die verkrünkelte Bochstave wore natörlich Runeschreff. Un verbodde es dä Dress janit. Do wor ich platt. Dat moss mer sich ens vürstelle: Do läuf su ene Kääl am helllichte Dach quasi met enem „Heil-Hitler“-Tattoo durch et Veedel! Un darf dat!!

Wörterbuch

Trottewar: BürgersteigPoosch: Bursche, KerlMaue: Oberarmmuskelsoch: sahLämmerstätzje: Lämmerschwänzchenwall: wohlzo Hus: zu Hausejefroch: gefragtwoss: wussteluter: lautertireck: direktNohberschaff: NachbarschaftDeis do jet? Tust Du was?em Ähnz: im Ernst

Do kom ich mer dann zemlich domm vür: weil ich do dovun kein Ahnung jehatt hatt. Un einfach stell dran verbeijefahre ben. Un wohrscheinlich och met Ahnung nix jesat hätt – vür luter Angs, dat ich mer eine enfange künnt. Oder zwei Stund späder die janze Bajasch am Hals hätt…En der Zeidung üvver der Anfang vum Zweite Weltkreech lese – dat es interessant un en ständije Mahnung– ävver fäne 80 Johr her. De Landdachswahl-Erjebnisse vun Brandeburg un Sachse met ehre plusminus 25 Prozent AfD Wähler künne eine janz verschreck maache - ävver vun Kölle bes dohin es et jo och ärch wick.

Das könnte Sie auch interessieren:

Michael Hehn schreibt „op kölsch“

„Roller Koller oder Luuter Scooter“

Merken

Doch dä Typ dojäje met singem Tattoo, dä es he tireck en dr Nohberschaff. Un fordert eine erus: Säs do jet oder nit? Deis do jet oder nit? Do nötz et och nix mih, sich üvver de unfähije Politiker opzoräje! Do kütt mer selvs en et Spill. Un do sollt mer doch winnichstens e beßje Bescheid wesse. Un dann och de Muul opmaache un sich jet traue…Vielleich ungerstötz vun enem kleine Nacketattoo met der Europafahn?

Em Ähnz: E Tatto moss et jo nit sin – ävver de eije Schlofmötzigkeit üvverwinde, dat schon. Mein ich jedefalls.