Meine RegionMeine Artikel
AboAbonnieren

Arno Steffen op kölschPositiv denke? Jähn, sulang ich negativ ben

Lesezeit 3 Minuten

Arno Steffen

Copyright: Max Grönert

  1. Arno Steffen ist Musiker, Komponist, Produzent und engagiertes Mitglied der Initiative Arsch huh
  2. Das Ex-Mitglied der Zeltinger Band und LSE ist einer der Autoren unserer wöchentlichen Kolumne "Loss jonn"
  3. Er glaubt, dass in Corona-Zeiten zu viel gejammert wird. Ein Blick auf andere Probleme in der Welt hilft.

Köln – Fernseher ahn! Brutz, Brutz tzzzzzz...... Nachrichte - ich lure op dä Beldschirm am TV....Ahn enem südliche Strand lijje e paar ahnjeschwemmte Minsche. Pänz, Fraulück, e paar Männer. Se hatten kei Jlöck bei ihrer Floch en de Freiheit - dä nasse Dud hät op se jewad. Op däm andere Kanal kammer Minsche unger jlöhender Hetz sinn, die versööke e paar jeisterhaft dönne Pänz met ennem Schlöckche Wasser zom Laache ze brenge un sei vür däm Verdrüjje ze redde . Wor dat en dr Sahel Zohn ?

Wo ben ich jebore? Kölle am Rhing! Un die Demo jestern, bei der e paar hundert Minsche vun dr Polizei verdrosche un verhaff wode sin, weil se ihr Meinung sare wullte, jäjen et politische System, dat se ungerdröck hält...

Ein Käz för de Demokratie

Eijentlich mööte mer e Käz en dr Kirch opstelle jon – üvverläch mer sich, wie jot et unsereinem en unserer Demokratie jeit un wat mer all sare künnte. tzzzzz....Brutz....

Wörterbuch

Floch, Fluch - FluchtHetz - Hitzemööte - müsstenKäz - KerzeMaat - MarktÄhnz - ErnstPand - Pfandüvver - übrigVüjjel - VögelJejöömere - Gejammer

Dat Beld vun däm Maat en Hildsburghausen es voller Minsche. De mieste drare kein Maske vürm Jeseech! Wat muss dann noch passeere, bes dat manche Lück dä Ähnz vun däm Corona bejriefe? E paar äldere Lück he en dä nohe Spitale kämpfe öm et nackte Levve. Eijentlich hädden de mieste vun dä Lück he, en dä letzte zwei Woche och en de Karantähn jemoß. Kammer nit wennistens jetz ens ein Woch oder zwei einfach Affstand halde un en vernönftije Mask drare? Dann hann se onnoch „ Oh wie es dat schön jesunge“ – e Beld wie vun ennem Jeisterzoch, dä at dausend Johr ungerwächs ess...dä Kölsche weiß, wovun hä sprich...

Das könnte Sie auch interessieren:

Am nächste Morje hät sich en dr Nohberschaff enne näächliche Wind jnädich övver de Papierkörv ahn dr Rhingpromenad un rund öm et Eierplätzje jemaht. Vun däm Jlöhwing Wanderwääch sin jede Menge pandlose Plastikbecher üvver jeblevve, un han spontan en schöne Veedelsinstallation för ons frühe Vüjjel jemaat. Elend, ävver schön! Am Morje well et keiner jewäse sin. De systemrelevante Jastronome laache sich kapott.

Jo secher, kammer sech drahnhaale, met däm iewije Jejöömere - mer moß jo och ens de junge Lück verston un esu, die müsse doch ihre Spaß han! Prost! Positiv denke! Positiv? Dat maache ich jähn – sulang ich negativ ben!Aktuelle Stund uss - Brutz, Brutz tzzzzzz.....