Meine RegionMeine Artikel
AboAbonnieren

Marina Barth schreibt „op Kölsch“Et Levve es nit esu einfach, leev Jreta Thunberg

Lesezeit 2 Minuten
marina_barth

Marina Barth ist die Chefin des Theaters „Klüngelpütz“ in der Gertrudenstraße. Im Programm „Köln (nicht nur) für Anfänger“ bietet sie zur Zeit eine „Überlebenshilfe für Kölnbesucher und Zugereiste“. Die Kabarettistin, Regisseurin und Stadtführerin ist eine von sechs Autoren, die wöchentlich im „Kölner Stadt-Anzeiger“ Texte für eine kölsche Kolumne schreiben.

Copyright: Grönert

  1. Naturschutz nützt nicht immer der Natur.
  2. Radschnellwege könnten Probleme lösen, aber ihre Beleuchtung sorgt für neue.
  3. Marina Barth, Chefin des Theaters „Klüngelpütz“ in der Gertrudenstraße, schreibt für Sie „op Kölsch“.

Köln – Stell dir vür, do fährst mit dingem Rädche vum Heumarkt direktemang in et Stadion! Do saust met Pädilläck oder janz noh ahler Maneer met reiner Muskelkraff op enem breite Wäch op kooter Streck bes noh Müngersdorf, ohne di Levve em Autoverkehr ze riskiere. Ich ben Fan vum Radschnellwäch! Freche-Kölle. Kölle-Schäbbisch Jläbbisch, Kölle-Bonn.

Mer Kölsche wöre sujet vun topfit in Schäip, wie man hückzedachs säht. Uns Luff wör vill besser un in Saache Parkplatz hätte mer och üvverhaup kein Moleste mieh.Dat Problem is nur dä Naturschutz, säht uns Stadtverwaltung. Dä! De Natur es sich selvs am mihtste em Wäch. Denn su e Radflöckwäch, dä muss naaks illumineet sin, es doch klor!

Wat nu? Mer künne nit baue

Sonst sin de Fraulück dressich – un dat mit Räch! Ävver su en Beleuchtung däht de Fladermüsje em Jrönjürtel stüre. De Glühwürmche däte sech verfleeje, de Schreikröte en Verruf jerode un de Üüle wörde nit mieh wach, weil et jo des naaks dachhell wör. Wat nu? Mer künne nit baue. Mer künne noch nit ens sage, wann mer aanfange künne ze baue.

Kölsches Wörterbuch

ad: schonverzallt: erzähltjeliert: gelerntwinnich: wenigschwade: redenaffjesinn: abgesehenblieve: bleibenhösch oder höösch: leise, ruhig, bedächtig; und vor allem: sehr entspanntRadschnellwäch: RadschnellwegMoleste: Schwierigkeitendressich: schissich, ängstlichFladermüsje: kleine Fledermausverbinge: verbindentirek: direktMalörche: Unglück, PechIIesermaat: Eisenmarkten Opdrag jevve: in Auftrag geben

Obwohl mer kaum wat ze baue bruche, denn uns Stadtverwaltung will jo bloß de vorhandene Wäje nutze und lediglich verbinge. Wahrscheinlich müsse die jetz all jeschlosse weede, weil die jemerk han, wie jefährlich Radwäje för de Natur sin.

Et esu ze maache wie anderswo, met solche Sensore, die dat Leech janz sanf opblende, wenn e Radfahrerin kütt und tirek donoh widder avblende – nä, dat jeiht nit. Nit en Kölle. Wenn ich nur an dat Malörche denke, als mir neu Stroßelämpche för uns Iesermaat kaufe wullte! Do schwade noh Generatione vun! Die han jo bes hück – jläuv ich – nit de richtije Färv.

Wie sull eets sujet komplizeetes wie e Sensorelämpche anjeschaff weede? Do müsse mir externe Experte enquartiere, en Findungskommission benedeie, e Projektbürro usstaffeere, paar Jotachte zesamme stivvele, Regressanspröch' affkloppe un – tätää: En Studie en Opdrag jevve, wie sich dat Radfahre eijentleech op de Tankstellelandschaff uswirke deit – et Levve es nit esu einfach, leev Jreta Thunberg...