„Op kölsch“Annette Schmelter-Lamsfuß über „de fruhe Botschaff per Whats-Äpp“
Annette Schmelter-Lamsfuß, Lehrerin und Liedermacherin
Copyright: Matthias Heinekamp
Köln – Em Dom, em Jedrängs vür der Krepp, steit ene kleine Panz un belurt sich, wie de Hellije Drei Künninge Richtung Kreßkingche trecke. „Mama, woför es dä Stän do jot?“ „Dä zeich dä 3 Künninge der Wäch noh Bethlehem.“ Paus. “Mama, han die denn kein Händys?“ De Lück drömeröm däte lache. Ich och – ävver: Hät der Jung nit Räch?
Natörlich hätte hückzedachs och die 3 Künninge jeder en Smartphon - un däte sich vum Floghafe us met Google-Mäpps op der Wäch zom Kreppche mache. Ich sin se tireck vör mer, wie se op ehr Displäykaate am starre sin, die nit janz zor Wöstewirklichkeit passe welle. Do notze och die dm-Brelle op ehr hellije Nase nix.
Wörterbuch
Krepp – Krippebelurt sich – sich anschauenavjon – abgehenKrakiel – Zank, Krakelereiudder, ov – oderPäckelchesdräjer – Paketbotesäne – segnenkoote – kurzeHeete – HirtenFüür – FeuerKingche – KindchenDitzje – Säugling, BabyZöppche – kleiner Zopffröch – fragthöösch – ruhigJanewar – Januar
Jeschenke han sei nämlich beim Amazon bestallt
Immerhin sin sei met leichtem Jepäck ungerwächs, schleppe muss der Paketdiens. De Jeschenke han sei nämlich beim Amazon bestallt, dä dat Zeuch met enem E-Sprinter, alsu ohne Kamel, anleefere soll. Su weed et hoffentlich avjon ohne Krakiel jäje CO2 udder Kamelquälerei, un Jold, Weihrauch un Myrrhe sin pünklich do.
Dat dä Päckelchesdräjer esu flöck noh singem Hilligovends-Nervezosammebruch widder op de Bein es, verdanke mer de Himmlische Heerschare. Die han im sulang „Stille Nach“ vürjesunge, bes hä widder an et Kreßkingche jläuve un opston kunnt.
De Fruhe Botschaff jetz nor noch per Whats-Äpp
Ansonste bruch die ärm Verkündijungsengel ävver keiner mih, weil et Marie de Fruhe Botschaff jetz nor noch per Whats-Äpp verscheck: e klein Filmche vum joldije Strample un Säne , ne koote Freddensjroß - un av domet en der Orbit. Wenn dann Milljone vun Händys en der Welt blinke, freue sich de Minsche: „Reklame vum Weihnaaksmann singe Son!“
Das könnte Sie auch interessieren:
Zur Person
Annette Schmelter-Lamsfuß schreibt kölsche Lieder und Texte. Seit 2013 ist die ehemalige Lehrerin als Sängerin mit Akkordeon der Band „Möschtijall“ unterwegs – eine kölsche Wortschöpfung, um einen Spatz zu bezeichnen, der angeblich wie eine Nachtigall singen kann. Aus dem Trio ist ein Duo mit Andreas Opitz geworden. Die Liedermacherin, die auch schon mal reimend in die Bütt steigt, ist eine der Autoren, die Texte für die wöchentliche kölsche Kolumne schreiben. (fra)
Die Heete deit de jeänderte Verkündijung nit kömmere. Die setze am Füür un sin op ehre Smartphones der FC am lore, de Johresröckbleckswidderhollung vum Derby jäje Leverkuse. En dä neue Trainer setze sei allerhand Hoffnunge - bahl noch mih wie en dat neujebore Kingche, ävver dat sät keiner. Als Heet jeit dat nit.
Et Marie un dä Jupp han vill Spass an ehrem Ditzje. Allerdings es et Marie jet anjefresse: De Lück fahre nit mih esu av op ehr Leevje wie söns: weil et kei Zöppche hät un nor ene Jung es. „Hätt ich besser e Mädche kräje?“, fröch et sich enzwesche un bleck höösch der hellije Jeis an. Dä zuck de Flöjel. Dä Klein litt en der Krepp un lort verjnöch noh dem Stän. Ävver hä hät jo och kein Händy. Ov die 3 Künninge et bes zom 6. Janewar schaffe?