- Michael Hehn ist Musiklehrer am Dreikönigsgymnasium in Bilderstöckchen. Im Karneval geht er als „Dä Nubbel“ in die Bütt, um über aktuelle Entwicklungen hintersinnig und auf Kölsch zu spotten.
- Der Redner ist einer von sieben Autoren, die wöchentlich im „Kölner Stadt-Anzeiger“ in einer kölschen Kolumne aktuelle Entwicklungen aufs Korn nehmen.
- In dieser Folge beschäftigt er sich mit Oberbürgermeisterin Henriette Reker.
Köln – Em nächste Johr wähle die Kölsche ens widder ehr oder ehre OB. Wann mer sich ävver dat Thiater em Rot beloort, frög sich mänch einer: „Will keine oder keiner oder kann keine oder keiner oder will eine oder einer, die oder dä ävver nit kann, weil it oder hä nit weiß, wat mer eijentlich künne muss, öm zo wolle oder weiß eine oder einer, dat it oder hä nit kann oder well, weil it oder hä einfach kein Loss hät?“
Oder es et vill einfacher un die Rotsdame un -häre sage sich: „Woröm üvverhaup wähle – mer han doch ein!“ Esu föhlt et sich zomindest an, wann mer sich dä Andrang an Jäjekandidate beloort. Dobei denke sich jo etliche Lück klammheimlich: Wann mer bloß statt Henriette ene Henry hätte. Oder ne Jupp oder ne Schäng.
Wörterbuch
ens widder - mal wieder
beloort - anschaut
Jäjekandidate - Gegenkandidaten
stick sich an der Hot - steckt sich an den Hut
Kadangks - Angst, Schiss
Lück - Leute
bröht - bräuchte
ävver - aber
tireck - direkt
Booreland - Bauernland
strigge - streiten
JJitz hät sich zomindest einer vun dä Zwei vun der „Rotsfraktion“ Gut erbärmp singe Hot en dä Ring zo werfe un die Linke wolle eine us däm Hot zaubere. Die Männerselbsthilfegruppe vun der Schäl Sick, de AFD (Anonyme Funke Dellbröck) stich sich en Kandidatur hoffentlich an der Hot. Un die SPD hät offesichtlich Kadangks doför, eine op dä Hot zo bekumme.
Mer muss sich dat ens durch dä Kopp jon loße: En Moskau woren em September Kommunalwahle. Do jov et vill Lück, die wollte kandedeere, dorften ävver nit. En Kölle jitt et vill Lück, die dürfte kandedeere, wolle ävver nit. Do stellt sich die Frog: „Kann mer enem normale Minsche dä Irrsinn an der Spetz vun esu enem Verwaltungsapparat üvverhaup zomode?“
Das könnte Sie auch interessieren:
Ich bröht do Baldriandroppe. Ävver en der Hektoliterfläsch! Oder tireck intravenös. Ich trecke jo dä Hot vür all denne Lück, die sich en dä Kommune (och en Kölle!) als Ihreämptler ensetze un als Dank doför beschempf un bedroht weede.
Mer muss sich nor ens kleine Kommune em Booreland beloore: Do flupp et jo besser als he en Kölle. Ävver eijentlich flupp et üvverall besser als en Kölle.
Jitz kann mer sich üvver uns OB jo hätzlich strigge. Ävver wann et keiner söns maache well, dörfe sich die janze Experte noh der Wahl och nit üvver it beschwere!
Wobei die Wöödt Experte un Kölner Stadtverwaltung jo an sich ene Widdersproch en sich sin. Vielleich sollt sich dä Nubbel ens zor Wahl stelle. Dann hätte mer zomindest eine, dä alles schold es.
