Meine RegionMeine Artikel
AboAbonnieren

Annette Schmelter-Lamsfuß „op Kölsch“Friedhöfe und „trendije Bänk zom Chille“

Lesezeit 2 Minuten

Annette Schmelter-Lamsfuß schreibt kölsche Lieder und Texte. Seit 2013 ist die ehemalige Lehrerin als Sängerin und Musikerin der Band „Möschtijall“ unterwegs - eine kölsche Wortschöpfung, um einen Spatz zu bezeichnen, der angeblich wie eine Nachtigall singen kann. Die Liedermacherin, die auch schon mal reimend in die Karnevalsbütt steigt, ist eine von mittlerweile sieben Autoren, die wöchentlich im „Kölner Stadt-Anzeiger“ Texte für eine kölsche Kolumne schreiben.

Copyright: Arton Krasniqi

  1. Die Stadt denkt über Änderungen ihrer Friedhofssatzung nach. Neue Nutzungen sind möglich. Aber ist das wirklich nötig?
  2. Annette Schmelter-Lamsfuß schreibt „op Kölsch“: „Alsu han se flöck ne schöne Name för ehr Projek´ erfunge „Kulturraum Kölner Friedhöfe“ (dä!- Kultur!).“
  3. Darin wird unter anderem diskutiert, ob nicht „e paar trendije Bänk zom Chille“ aufgestellt werden können. Alaaf op et kölnische Jrönflächeamp!

Köln – Wann mer dud es, meint mer, möt mer doch winnichstens sing Rauh han: der janze Brassel un Schlamassel am Eng, kei Jedöns un keine Radau mih, de Nohberschaff rächs un links bellt nit un hält Fridde.

Mer möch de Föß - udder dat, wat dovun üvverich es - jenöchlich huhläje künne, öm sich dann met enem freie Schädel dem Blädderruusche un Vüjjeljezwitschere hinzojevve. Dat Jeschluckse vun dä paar Minsche dozwesche dät einer dobei nit störe. Dat nimp jo flöck av.

„Kulturraum Kölner Friedhöfe“ (dä!- Kultur!)

Jo, esu wor et bes jetz. Ävver janz esu weed et wal nit mih lang blieve. Hät doch uns Stadtverwaltung op der Wäch jebraat, dat die Satzung för de 55 kölsche Kirchhöff jeändert wäde soll: 430 staatse Hektar städtische Kirchhöff allein för Jräver un Dudejäde zo verschwende – dat wör nit mih zickjemäß.

Kölsches Wörterbuch

Rauh: Ruhe

Fridde: Frieden

jenöchlich: gemütlich

huhläje: hochlegen

Ruusche: Rauschen

Kirchhöff: Kirchhof, Friedhof

notze: nutzen

Kunzät: Konzert

Troorhall: Trauerhalle

lusije: lausige

Stelllschwijje: Stillschweigen

Beievölkche: Bienenvölker

Hüng: Hunde

Koll: Kohle

beräuhich: beruhigt

Övverlaat ens: Überlegt mal

Alsu han se flöck ne schöne Name för ehr Projek´ erfunge „Kulturraum Kölner Friedhöfe“ (dä!- Kultur!), un dann dürfe de Bürjer un Bürjerinne en enem „Mitwirkungsportal“ ehr Meinung dozo opschrieve, wie mer de Kirchhöff „urban“ notze un parat mache künnt.

Oder mer stellt e paar trendije Bänk op zom Chille

Vielleich e klein Kunzät en der Troorhall jäje dat lusije Stellschwijje do op dem Kirchhoff? Udder e bessje nohhaldig „Biking“ un „Rollering“ durch et dann ökologisch jenotzte Jelände? Usser Beievölkche künnt mer jo och noch de Hüng zolosse, öm dä Aatebestand op dem Kirchhoff zo verjrößere.

Oder mer stellt e paar trendije Bänk op zom Chille (selvsverständlich met Kombi-Emmer för Möll un Koll donevve) – dat wör vielleich och jet för de Jugend.

Das könnte Sie auch interessieren:

Natörlich weed versproche, dat et em „Kulturraum Friedhof“ jenauesu höösch un öhndlich zojeit wie vürher: dat hätte se vun dä städtische Jrönanlage her schleeßlich routineet em Jreff– do sin mer ävver beräuhich! Alaaf op et kölnische Jrönflächeamp!

Alsu, em Ähnz, un vun unge besin: Wat üch em koote Levve op der Äd vielleich janz anjesaat vürkütt, dat möt ehr dann unger der Äd en alle Iwichkeit erdrage – un die dort lang! Der janze urbane Krawall - op iwich – wer soll dat ushalde?

Ich mein: „Kirchhoffsrauh“ es nit nor e Woot zom Schänge - och för de Lebendije nit. Övverlaat ens drüvver!