- Die Kölner Autorin Marina Barth schildert op kölsch und mit viel Humor die zahlreichen Kuriositäten sowie Pleiten, Pech und Pannen bei der KVB.
- Barth ist eine von sechs Autoren, die wöchentlich im „Kölner Stadt-Anzeiger“ Texte für eine kölsche Kolumne schreiben und aktuelle Entwicklungen und Phänomene in Stadt und Land ohne kölsche Sentimentalität aufs Korn nehmen.
- Lesen Sie hier auch alle weiteren Kölsch-Kolumnen.
Köln – Diese Zeidung, die dankenswerter Wies af un zo och mich ze Woot kumme leet, hätt e neu Hobby: Se checke alle halve Johr, ov de Bahne un Busse vun uns Verkehrsbetriebe üvverhaup kumme. Ov se pünktlich sin und wann nit, wie vill se ze spät kumme. Un se han fesjestellt: Et weed immer schlimmer, jedes Mol! Immer mieh kumme immer mieh ze spät, immer mieh kumme jar nit.
Do hätte die bloß mich frore müssse oder üch! Mer hätte dat ald lang jewoß, ävver: en su ener Zeidung muss et seriös zojonn! Do muss do för alles Beweise han.
Das könnte Sie auch interessieren:
Mer Kölsche verzälle jo jewöhnlich en Story esu lang, bes se stemp un kumme domit jot zeräch. Verifiziere säht man do bei uns för. Ävver en d’r Zeidung jeiht dat nit. Mer Kölsche jonn niemols ohne Drei-Daaches-Ration us em Huus. Do weiß nie, ov do hück widder heim küss, wenn do dich op de Linnije eins wage deis. Die kumme mitunger daachelang nit. Ich han op d’r Bahnsteije schon Lück kennejeliert, die irrten zick Woche durch dä Fahrplan-Dschungel. Un eesch dä Jubel o’m Bahnsteig, wenn wirklich en Bahn kütt!
Zur Person
Marina Barth ist die Chefin des Theaters „Klüngelpütz“ in der Gertrudenstraße. Im Programm „Köln (nicht nur) für Anfänger“ bietet sie zur Zeit eine „Überlebenshilfe für Kölnbesucher und Zugereiste. Die Kabarettistin, Regisseurin und Stadtführerin ist eine von sechs Autoren, die wöchentlich im „Kölner Stadt-Anzeiger“ Texte für eine kölsche Kolumne schreiben. (fra)
Un wenn dann noch de Düre tatsächlich opjonn. Die Stimmung en d„r Bahn, wenn dä Fuhrparksadmiral vürre em Kabäusche verkündet, dat hä leider nit wiggerfahre kann, weil dat Bähnche kapott es. Un sing launijes „Sängkjuforträvelling Kavaubee!“ Mit unsere Verkehrsanstalt fährst do doch nit, wenn do wohin muss. Sondern wäje däm Ungerhaldungswät, un de Sozialkontakte. Alle han e „Mensch-ärjere-dich-nit“ dobei.
Wörterbuch
Aventör: Abenteuer
Woot: Wort
Linnije Eins: Linie 1
Düre: Türen
Ungerhaldungswät: Unterhaltungswert
Lückcher: Leute
Fahrjäss: Fahrgäste
daachelang: tagelang
ömsteije: umsteigen
bes se stemp: bis sie stimmt
vürre: vorne
Selvs uns Oberbürgermeisterin saht: „Mer welle jar nit, dat (för et Beispill durch en City-Maut) mih Lückcher op dä ÖPNV ömsteije, do es för mih Lück jar keine Plaatz“. So süht es us! Keiner en dä Stadt hätt Interesse, dat die Bahne alle paar Minutte kumme, ejal wohin do wells. Söns däte die dat jo – wie anderswo. Keiner will, dat et kein Schwatzfahrer mih jit, söns hätte mir jo e System, dat do nit schwatz fahre kanns – wie anderswo. Uns KVB jeiht et doch nit öm Fahrjäss – wie anderswo. Söns jöv et doch de Linnije sibbenzehn jar nit. Wat mir wille, es Spass un Aventör!
