Silke Essert schreibt „op kölsch“„Wie dä Minsch sich selvs beleje kann“
Silke Essert
Copyright: Max Grönert
- Silke Essert spielt als Puppenspielerin im Hänneschen unter anderem et Zänkmanns Kätt.
- Sie arbeitet auch als Autorin für das Theater. Im September hat ihre siebte Produktion Premiere, das Familienstück mit „Et kölsche Jrundjesetz“.
- Sie ist eine von sechs Autoren, die wöchentlich im „Kölner Stadt-Anzeiger“ Texte für eine kölsche Kolumne schreiben.
Köln – Dä Sommer es do, et es lecker wärm. Jetz kannste se widder römhange sin. Do, am Rudolfplatz süht mer en janze Häd. Nä, ich meine nit die Punks un Unnüdije, die dir ene Euro avschwade welle. Ich spreche he vun dä moderne Sklave, die esu ne riesije Karton om Rögge han.
Se wade drop, dat se irjendeiner fuul Sau et Esse brenge dürfe. Met dem Rädche flitze se hin un her, bei Wind un Rän. För jaaaaaanz winnich Jeld. Ävver dat es noch nit et Schlemmste. Wirklich wödich mäht et mich, dat dä janze Food-Dress dann och noch dubbelt un dreifach enjepack es. Do fröch mer sich: Wat sin dat för Minsche, die do bestelle? Denne dat alles ejal es? Bloß weil se kein Loss han, enzokoufe un zo koche? Jeit et noch?
Em Hätze sin et secher jode Minsche
Ich kann et Üch verrode. Janz vill vun denne klicke sich en de soziale Netzwerke durch de Sigge un ungerschrieve alles, wat e jot Jewesse mäht. He för de Klimaschutz, do för die Bienche, he jäjen Jurke en Plastik un do mi Platz för die Säu en dä Fleischfabrike.
Wörterbuch
Häd: Herde
welle: wollen
drop wade: drauf warten
fuul: faul
Rän: Regen
winnich: wenig
wödich: wütend
Loss: Lust
Sigge: Seiten
müffele: gemütlich essen
beleje: belügen
Jo, em Hätze sin et secher jode Minsche, die einfach nit merke, dat se dä Kaffee immer noch us enem To-go-Becher drinke, während se do em Smartphone die Petitione am studiere sin. Wat soll mer dozo noch saare? Ich ben mer sicher, wann do se fröchs, dann han se janz bestemp en super Ausred parat.
Denn öm Ausrede sin de Minsche nie verläje. Do es et hück en Ausnahme, un morje hat mer bloß einfach kein Zick. Un do es et dann op eimol ejal, wat dat för e Fleisch en däm bestellte Esse es. Weil: Dat hät mer jo nit selvs jekauf. Wann et nit esu ärm un traurich wör, dann wör et bahl löstich, wie dä Minsch sich selvs beleje kann.
Das könnte Sie auch interessieren:
Un eins es klor: Ich dun et och. Ich künnt noch vill mi dun un losse. Ävver Esse bestell ich mer nit. Deshalv minge Rot un Wunsch: Dot lecker müffele un süffele! Am Beste nit allein - un noch besser: jet, wat ehr selvs jekauf un jekoch hät. Dann wesst ehr och, dat üch keiner en et Esse jespeit hät.