- Arno Steffen ist erfolgreicher Musiker, Komponist und Musikproduzent. Und einer von sieben Autoren, die „op kölsch“ schreiben.
- Als Radfahrer ärgert er sich über die Autos, als Autofahrer über die Radfahrer. Und als Fußgänger schimpft er über beide.
- Da hilft nur eins: Toleranz
Köln – Vör drei Woche hatt ich fiese Zantping. „Mötste nom Zantarz jon, Jung“, sat de ennere Stemm. Dä Zantarz hät jelächelt un jemeint: „Jot, dat se rächziggich kumme, do kann ich üch de Zäng noch ens schön mache“. Do hät ich besser oppasse müsse!
Jetz es dä Zantarz nit esu wick fott, quasi an d’r nökste Eck - do kann mer eijentlich jenöglich zo Foß jon. En der Theorie.Dat Problem es nur: Wann mer de Nas us der Dür op dä Bürjersteig steck, kann se einem ad avjefahre wäde. Dä Radfahrer nemmp sich hückzedach quasi et Räch üvverall zo fahre, och om Bürjersteig un op d´r falsche Sick - woröm wonnste dann eijentlich he en enem kölsche Hotspot, ahle Mann?
Wörterbuch
Zantarz: ZahnarztZahntping: ZahnschmerzenSchofshääd: Schafherdeschwächste Jleed: das schwächste GliedNommedach: Nachmittagjenöglich: gemütlichrächziggich: rechtzeitighückzedach: heutzutage
Am Hotspot jit et natürlich vill junge Lück, die vun wick herkumme un dä letzte Kilometer Stadtmobilität op enem E-Roller zoröck läje wolle. Die sin janz wick vöre - mihtstens fahre se och zo zweit op einer App, met Pänz om Roller oder met enem andere hübsche Airbag!Hück Nommedach es et besonders löstig. Se fiere ne Jungjeselleavscheed, sin all als Penisse kostümeet un han e paar Kölsch jedrunke. Ming Toleranz weed ahnpassungsfähig, wie bei nem Politiker: Us däm Finster, us däm ich eruslore, do arjumentiere ich och!
Das könnte Sie auch interessieren:
„Setz ich em Auto, künnt ich die janze lahme Foßjänger, besonders die… Setz ich om Fahrrad, künnt ich dat janze Autojedresse... Setz ich en d’r Bahn künnt ich de janze KVB... usw, usw“. Wat soll ich mich opräje – ich wäde tolerant jäjen alles.Ich will jetz nix sage. Als Foßjänger verhält mer sich jo manchmol och unkorrek. Mer es manchmol versöck, üvver en rude Ampel zo laufe - wann keine SUV en Sicht es. Jo secher, Pänz künnte jo dobei zosin, mer künnt e schläch Beispill avjevve un esu.
Zur Person
Arno Steffen ist erfolgreicher Musiker, Komponist und Musikproduzent. Er war Mitglied der Zeltinger Band, von Triumvirat und L.S.E. und schrieb zahlreiche Filmmusiken u.a. für den Tatort. Er ist einer von sieben Autoren, die wöchentlich im „Kölner Stadt-Anzeiger“ schreiben. (fra)
Jetz sin et nur noch e paar Metere bes zor Praxis am Chlodwigplatz. Hück es ens kei Stroßefess, ävver Wochemaat! De Minsche flaniere un künne sich och beim Enkaufe nit vun ihrem Rad trenne. Andere kumme met enem Affezahn an d’r Torburg vorbei un rose durch de Lück vörm Merzenich. Em Kreisverkehr kütt de KVB us alle Richtunge met Bahn un Bus, bimmelt un hup, un hält dä Verkehr un de Minsche met ihrer enjebaute Vorfahrt en Schach wie Schäferhüng ihr Schofshääd.
Jetz oder nie! Et schwächste Jleed en d’r Kett nötz die jroße Schangs, sich wie ene Lemming op dä Zebrastriefe zo schmieße. Jetz verston ich och dä jrinsende Zantarz: Met neue Zäng hätt ich noch vill besser en et Jras bieße künne. Als Kölsche em Hotspot es mer tolerant jäjen alles.
